नेपालमा खिचिएको ‘उचाई’को ट्रेलरमा ४ साथीको मित्रताको कथा

नेपालमा छायांकन गरिएको बलिउड फिल्म ‘उचाई’को ट्रेलर सार्वजनिक भएको छ । ४ जना साथीको मित्रताको कथामा यो चलचित्र बनेको छ । राजश्री प्रोडक्शनको ब्यानरमा निर्माण भएको यो चलचित्रमा अमिताभ बच्चन, अनुपम खेर, बोमन इरानी, डेनी, परिणिती चोपडा, सारिका, निना गुप्ताको मुख्य भूमिका छ । यो फिल्मले एक साथीको सपना पुरा गर्न विश्वकै अग्लो सगरमाथा चढ्न नेपाल आएका ३ साथीको कथा भन्छ ।

फिल्मलाई सुरज बर्ज्याताले निर्देशन गरेका हुन् । सगरमाथा चढ्ने सौख पालेका डेनी उनको जन्मदिन पनि माउन्ट एभरेष्ट घुम्न चाहन्छन् । तर, डेनीको निधनसँगै उनको सपना अधुरो हुन्छ । उनको अधुरो सपना पुरा गर्न नेपाल घुम्न आएका अमिताभ, बोमन र अुनपको वरिपरी फिल्म घुमेको छ । यो फिल्म नोभेम्बर ११ तारिखबाट विश्वभर रिलिज हुँदैछ ।

यो फिल्मले नेपालको पर्यटन विकास र विदेशी फिल्म छायांकनका लागि ठूलो प्रभाव पार्ने अपेक्षा गरिएको छ ।