सलमानका दुई प्रतीक्षित फिल्मको प्रदर्शन मिति घोषणा: पहिलो रिलिज ‘किसी का भाइ किसकी जान’

सलमान खानका दुई प्रतीक्षित फिल्मको प्रदर्शन मिति घोषणा भएको छ ।

सलमान खान र क्याट्रिना कैफ स्टारर फिल्म ‘टाइगर ३’ को निर्माताले नयाँ रिलिज मिति घोषणा गरेका छन् । यसअघि यो फिल्म २१ अप्रिल २०२३ मा रिलिज हुने तय भएपनि अब अर्को वर्ष दिपावलीको अवसरमा हलमा रिलिज हुनेछ । यससँगै निर्माताले फिल्ममा सलमानको लुक पनि दर्शकसँग सेयर गरेका छन् ।

सलमानको लुक सेयर गर्दै निर्माताले लेखेका छन्, ‘टाइगर २०२३ मा दीपावलीको अवसरमा ठूलो पर्दामा रिलिज हुनेछ । यो हिन्दीका साथै तमिल र तेलुगु भाषामा पनि रिलिज हुनेछ ।’

यो फिल्म टाइगर फ्रेन्चाइजको तेस्रो भाग हो । यस फिल्ममा र एजेन्ट टाइगर र आईएसआई एजेन्ट जोयाको कथा देखाइनेछ । टाइगर ३ मा सलमान खान र कट्रिना कैफसँगै इमरान हाश्मी पनि मुख्य भूमिकामा छन् ।

मिडिया रिपोर्टका अनुसार फिल्मको पोस्ट प्रोडक्सनको काममा ढिलाइ भएपछि निर्माताले फिल्मको रिलिज मिति परिवर्तन गर्नुपरेको हो । यद्यपी फिल्मका निर्माताले यसबारे आधिकारिक रुपमा केही भनेका छैनन् ।

सलमान खानको आगामी फिल्मको बारेमा कुरा गर्दा उनले ‘टाइगर ३’ भन्दा पहिले फिल्म ‘किसी का भाई किसी का जान’ रिलिज गर्ने छन् । फिल्म ‘ईद’मा रिलिज हुँदैछ । यो फिल्मलाई फरहाद सामजीले निर्देशन गरेका हुन् । यसमा सलमान खानका अलावा पूजा हेगडे, शहनाज गिल, राघव जुयाल र जस्सी गिल पनि मुख्य भूमिकामा देखिनेछन् ।