फिल्म ‘लाखे’को आइटम गीत सार्वजनिक

मल्टीस्टारर फिल्म ‘लाखे’को आइटम गीत सार्वजनिक भएको छ । कात्तिक १८ गतेबाट प्रदर्शन हुने फिल्मको आइतबार काठमाडौंको विश्वज्योति हलमा आयोजित एक कार्यक्रमकाबीच ‘तिम्रो पिरेम’ बोलको गीत सार्वजनिक गरिएको हो ।

गीतको भिडियोमा फिल्मका मुख्य अभिनेता अनुपविक्रम शाही र आर्यन अधिकारी नृत्य गर्दै देखिएका छन् भने सौगात मल्ल उनीहरुको गतिविधि निहालिरहेको देखिन्छन् ।

गीतमा हर्कुलस बस्नेत र सदिक्षा कट्टेलको युगल स्वर रहेको छ भने संगीत तथा शब्द रचना गायक बस्नेत स्वयंको छ । भिडियोमा सौरभ लामाको छायांकन छ भने सन्देश शाहले सम्पादन गरेका हुन् ।

रहस्य, द्वन्द्व र सम्बन्धका आयामलाई प्रस्तुत गरिएको बस्नेत निर्देशीत फिल्ममा सौगात मल्ल, अर्पण थापा, आर्यन अधिकारी, अनुपविक्रम शाही, वर्षा राउत, सुशिल सिटौला, प्रशान्त ताम्राकार, रोहित रुम्बा, सन्जोग राणालगायतको मुख्य भूमिका रहेको छ । फिल्मलाई  सम्राट बस्नेतले निर्देशन गरेका हुन् ।

गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन् । हरि मल्ल ठकुरी कार्यकारी निर्माता रहेको फिल्म सुसन प्रजापतिले खिचेका हुन् ।

ग्लोवल मिडिया एण्ड रिसर्च सेन्टर र औरिवन प्रोडक्सनको ब्यानरमा निर्माण भएको फिल्मको पटकथा, सम्वाद आकाश बरालले लेखेका हुन । दीपक बज्राचार्यको संगीत, कबिराज गहतराजको कोरियोग्राफी रहेको यस फिल्ममा निर्देशक सम्राटकै द्वन्द्व निर्देशन रहेको छ । फिल्मलाई आरआर फिल्मस्को बितरण गर्दैछ ।