तेस्रो पटक सर्‍यो मल्टिस्टारर फिल्म ‘लाखे’को प्रदर्शन मिति

मल्टिस्टारर फिल्म ‘लाखे’को तेस्रो पटक प्रदर्शन मिति सरेको छ । यस अघि कात्तिक ११ गतेलाई प्रदर्शन मिति बनाएको ‘लाखे’ मिति परिवर्तन गरेर कात्तिक १८ मा प्रदर्शन हुने भएको छ ।

कात्तिक ११ गते फिल्म ‘महापुरुष’सँग जुध्नु परेपछि निर्धारित मितिबाट धकेलिदै सलोन बस्नेत अभिनित नयाँ फिल्म ‘मीलन’सँग भिड्न पुगेको छ । लाखेको एक हप्ता सरेपछि ‘महापुरुष’लाई केही राहत भने मिल्ने देखिएको छ । जसमा महापुरुष’ले एकल प्रदर्शनको मौका पाएको छ ।

‘लाखे’को गत भदौ ३१ गतेलाई प्रदर्शन मिति तय गरिएको त्यसबेला प्राविधिक काम नसकिएपछि कात्तिक ११ मा सरेको थियो । अहिले फेरि यसको प्रदर्शन मिति सारिएको हो ।

मिति सार्नुमा एकै दिन दुई स्टारकास्ट फिल्म प्रदर्शमा आउदाँ शो विभाजन हुने बक्स अफिसमा लाखे र महापुरुष दुबैलाई असर पर्ने भएकाले महजोडीकालागि सम्मान स्वरुप १८ गतेलाई सारेको निर्देशक सम्राट बस्नेतले मेरो फिल्मलाई जानकारी दिए ।

‘दिग्ज कलाकारको फिल्म हो महापुरुष उहाँहरुसँग हिजो हाम्रो छलफल भएको थियो । यसमा हलवालाहरुले पनि सार्न सरसल्लाहा दिनु भयो र महजोडीकालागि सम्मान स्वरुप हुने भएकाले हामीले मिति सारेका हौँ । हाम्रो केही तयारी पनि पुगेको थिएन, हलहरुमा ट्रेलर राम्रोसँग बजाउन नपाएको हुदाँ  ट्रेलर बजाउन थप केहीदिन मैका पाउने, र हामीले त्यसबेला राम्रो शो पनि पाएको हुदाँ  १८ गतेलाई फिल्म सरेका हौँ ।’ उनले भने ।

रहस्य, द्वन्द्व र सम्बन्धका आयामलाई प्रस्तुत गरिएको बस्नेत निर्देशीत फिल्ममा सौगात मल्ल, अर्पण थापा, आर्यन अधिकारी, अनुपविक्रम शाही, वर्षा राउत, सुशिल सिटौला, प्रशान्त ताम्राकार, रोहित रुम्बा, सन्जोग राणालगायतको मुख्य भूमिका रहेको छ ।

गणेश मल्ल ठकुरी (जिएम) को प्रस्तुति रहेको फिल्मको कथाकार र निर्माता सिजन अर्याल हुन् । हरि मल्ल ठकुरी कार्यकारी निर्माता रहेको फिल्म सुसन प्रजापतिले खिचेका हुन् ।

ग्लोवल मिडिया एण्ड रिसर्च सेन्टर र औरिवन प्रोडक्सनको ब्यानरमा निर्माण भएको फिल्मको पटकथा, सम्वाद आकाश बरालले लेखेका हुन । दीपक बज्राचार्यको संगीत, कबिराज गहतराजको कोरियोग्राफी रहेको यस फिल्ममा निर्देशक सम्राटकै द्वन्द्व निर्देशन रहेको छ । फिल्मलाई आरआर फिल्मस्को बितरण गर्दैछ ।