नेपाल नेटवर्क टिभिमा नेपाली फिल्को ‘टेलिभिजन वर्ल्ड प्रिमियर’

नेपाली टेलिभिजनको चार दशक लामो इतिहासमा पहिलो पटक नेपाली फिल्मको ‘टेलिभिजन वर्ल्ड प्रिमियर’ गरिने भएको छ।

नेपाल नेटवर्क टेलिभिजनले आफ्नो प्रशारणको सुरुवात संगै नयाँ नयाँ नेपाली फिल्मरहरुको टेलिभिजन प्रिमियर गर्ने भएको हो।

हरेक साता एक वटा पुरानो फिल्म र महिनाको एक वटा नयाँ फिल्म हलमा प्रदर्शन भएर अन्य कुनै डिजिटल प्लेट फर्ममा रिलिज नगरिएको फिल्म प्रशारण गर्न लागिएको डिएआर मुभिजका निर्देशक श्याम धितालले जानकारी दिए। ओएसआर डिजिटल र डिएआर मुभिजको सहकार्यमा नेपाली फिल्म टेलिभिजनमा प्रशारण गर्न लागिएको हो।

नेपाली टेलिभिजन हेर्ने दर्शकले नयाँ नेपाली फिल्म घरमा नै बसेर निशुल्क हेर्न पाउने यो राम्रो अवसर हो। आगामी तीहारबाट नियमित रुपमा फिल्म प्रदर्शन गरिनेछ। नेपाल नेटवर्क टेलिभिजनले पहिलो फिल्म ‘लप्पन छप्पन २’ प्रदर्शन गर्ने भएको छ। केहि महिना अघि मात्र प्रदर्शनमा आएको सौगात मल्ल, अनुप बिक्रम शाही, शिव श्रेष्ठ, अर्पण थापा स्टारर फिल्म ‘लप्पन छप्पन २’ प्रदर्शन गरिने भएको छ।