अभिनेत्री नयनतारासँग फिल्म लिएर आउँदै महेन्द्र सिंह धोनी

क्रिकेटको क्षेत्रमा धुम मच्चाभएका महेन्द्र सिंह धोनी अब फिल्म क्षेत्रमा पनि धुम मच्चाउने तयारीका साथ आउन लागेका छन् ।

भारतीय क्रिकेट टिमका पूर्वकप्तान धोनीले सन् २०१९ मा आफ्नो फिल्म प्रोडक्शन कम्पनी सुरु गरेका थिए । धोनीले फिल्म निर्माण कम्पनी ‘धोनी एन्टरटेन्मेन्ट’ ले विभिन्न भारतीय भाषाका फिल्म निमार्ण गर्ने भएका हुन् । धोनी र उनकी श्रीमती साक्षी दुवै धोनी एन्टरटेन्मेन्टको मालिकका रूपमा रहेका छन् ।

अब यो कम्पनीलाई अगाडि लैजानका लागि धोनी एन्टरटेन्मेन्टले तमिल, तेलुगु तथा मलायालम भाषाका फिल्म निमार्ण गर्ने स्पोर्टस टाइगरले जनाएको छ । यसैबीच धोनी दक्षिण भारतीय अभिनेत्री नयनतारासँग जोडिएका छन् । तर, यो खबरलाई धोनीको कम्पनीले आधिकारिक पुष्टि भने गरेको छैन ।

‘धोनी एन्टरटेन्मेन्ट’ले यसअघि ‘रोअर अफ द लायन’, ‘ब्रेज टू ग्लोरी’ तथा ‘द हिडेन हिन्दू’जस्ता साना फिल्ममा काम गरेको थियो । स्वयं धोनीको जीवनमा पनि एउटा फिल्म निर्माण भएको थियो, जुन सुशान्त सिंह राजपुत मुख्य भूमिका रहेको ‘एमएस धोनी:अनटोल्ड स्टोरी’ धोनीकै जीवनमा आधारित फिल्म हो ।

धोनीको कप्तानीमा भारतले एकदिवसीय तथा टी-ट्वान्टी विश्वकप तथा आईसीसी च्याम्पियन्स ट्रफी जितेको छ । धोनीले अन्तर्राष्ट्रिय क्रिकेटबाट सन्न्यास लिए पनि उनी आइपिएलमा चेन्नई सुपर किंग्सका लागि खेल्दै आउएका छन् ।