के ‘पोई पर्यो बुढो’मा काम गर्दैछिन् पूजा ?

फिल्म ‘पोई पर्यो काले’ले सुखद व्यापार गर्यो । यो फिल्ममा निर्माता किरण नेपालीले सौगात मल्ल, पूजा शर्मा, श्रृष्टी श्रेष्ठ र आकाश श्रेष्ठसँग काम गरेका थिए । यसपछि, किरणले नै बनाएको अर्को फिल्म ‘२ नम्बरी’मा सौगात बाहेक अरु कलाकार दोहोरिएनन् ।

उनै, किरण अब ‘पोई पर्यो काले’को सिक्वेलको रुपमा ‘पोई पर्यो बुढो’ बनाउँदैछन् । यो फिल्मलाई ‘२ नम्बरी’का निर्देशक दीपेन्द्र लामाले नै निर्देशन गर्ने पक्का भैसकेको छ । फिल्ममा कलाकार को हुनेछन् भन्ने पक्का भएको छैन । श्रोतका अनुसार, आउँदो बर्षको तीजमा यो फिल्म रिलिज गर्ने दीपेन्द्र र किरणको योजना छ ।

यो फिल्ममा कलाकार को हुनेछन् भन्ने पक्का नभएको अवस्थामा नायिका पूजा शर्माको नाम चर्चामा छ । आइतबार आयोजना गरिएको ‘२ नम्बरी’को विशेष शोमा पूजा पुगेकी थिइन् । पूजा यो फिल्म हेर्न पुग्नुले पनि धेरैमा उनी ‘पोई पर्यो बुढा’मा काम गर्न लागेको आशंका बढेको हो ।

यो बिषयमा किरण र पूजाले केही पनि भनेका छैनन् । तर, श्रोतका अनुसार नायिकाको रुपमा पूजा हिट फिल्मको सिक्वेलमा देखिने संभावना बढी छ । ‘पोई पर्यो बुढा’लाई कमेडी र सामाजिक कथावस्तुमा तयार गरिने निर्माता नेपाली बताउँछन् ।