सलोन र करिश्माको बिहे मंसिर १२ मा

नायक सलोन बस्नेत केही समयदेखि करिश्मा केसी नाम गरेकी यूवतीको प्रेममा छन् । अब, यी दुइले बिहेको तयारी गरेका छन् । यी दुइले मंसिरको १२ गते लगनगाँठो कस्ने पक्का भएको छ । सलोनले पनि बिहे मंसिर १२ गते हुन लागेको र यसको तयारीमा जुटेको उल्लेख गरेका छन् ।

नेपाल एयरलाइन्सकी एयर होस्टेस समेत रहेकी करिश्मासँग सलोन ४ बर्षदेखि प्रेममा छन् । बिहेको तयारी आन्तरिक रुपमा हुन थालेपछि सलोन सार्वजनिक कार्यक्रममा करिश्मासँग देखिन पनि थालेका थिए । सलोन नेपाली फिल्मका चर्चित निर्देशक शोभित बस्नेतका छोरा हुन् । सलोनको बिहे हुने पक्का भएपछि शोभित पनि व्यस्त हुन थालेका छन् ।

नेपाली फिल्म क्षेत्रमा ‘होस्टेल’बाट नायकको रुपमा डेब्यू गरेका सलोन विशेषगरि सह–नायकको रुपमा चलेका छन् ।