विजय देवरकोन्डा र रश्मिका मन्डन्ना छुट्टी मनाउन माल्दिभ्स

विजय देवरकोंडा र रश्मिका मन्डन्ना शुक्रबार मुम्बई एयरपोर्टमा देखिएका थिए। मिडिया रिपोर्टका अनुसार रश्मिका मन्डन्ना आफ्नो छुट्टी मनाउन माल्दिभ्स गएकी छिन् । रश्मिका एयरपोर्ट पुगेपछि अभिनेता विजय देवरकोंडा पनि त्यहाँ देखिएका थिए ।

टाइम्स अफ इन्डियाको रिपोर्ट अनुसार रश्मिका आइपुग्नु केही मिनेट अघि विजय पनि एयरपोर्ट भित्र प्रवेश गदै गरेको भेटिएका थिए, दुबैको लुक्स एकदम क्याजुअल थियो । रश्मिकाले प्यान्ट र टी–सर्ट लगाएकी थिइन् भने विजय पनि लामो प्यान्ट र टी–सर्टमा देखिएका थिए । केही समयअघिसम्म यी दुईको डेटिङको खबर आएको थियो । दुवैले आफ्नो सम्बन्धलाई कहिल्यै स्वीकार गरेका छैनन्, र धेरै पटक डेटिङलाई पनि अस्वीकार गरेका छन्। तर, केही समय अघि रश्मिकाले पनि उनीहरुको डेटिङको हल्लालाई सम्बोधन गर्दै ‘क्यूट’ भनेकी थिइन् । यी दुवै एकपटक फेरि सँगै देखिएका छन् ।

विगतका अन्तर्वार्तामा रश्मिकाले विजय आफ्नो असल साथी भएको बताएकी थिइन् । एक अन्तर्वार्तामा जब रश्मिकालाई उनको र विजयको सम्बन्धको बारेमा सोधिएको थियो, उनले भनिन्– ‘मेरो करियरको शुरुवाती दिनमा मैले र विजयले धेरै सँगै काम गरेका थियौं, जब एउटै सोचका दुई व्यक्ति उद्योगमा मिसिन्छन् । हामी दुबै धेरै असल साथी हौं, धेरै अन्य साथीहरू पनि छन्। जब संसारले हाम्रो सम्बन्धको कुरा गर्छ, मलाई यी कुराहरू धेरै प्यारा लाग्छ।ू यसअघि कफी विथ करणमा विजयलाई रश्मिकासँग डेटिङको बारेमा सोधिएको थियो । त्यसपछि अभिनेताले भनेका थिए, ‘मैले मेरो जीवनको प्रारम्भिक चरणमा उनीसँग दुईवटा फिल्म गरिसकेको छु । रश्मिका एक प्यारी मान्छे हो र म उनको साँच्चै मन पराउँछु। उनी वास्तवमै असल साथी हुन्।

दुवैले भर्खरै बलिउडमा डेब्यु गरेका छन् ।

रश्मिका र विजय तेलुगु फिल्म गीता गोविन्दम र डियर कम्रेडमा सँगै देखिएका थिए। विजय र रश्मिकाले हालै विभिन्न फिल्मबाट बलिउडमा डेब्यू गरेका थिए। रश्मिकाले अमिताभ बच्चन र नीना गुप्ता अभिनीत अलविदाबाट र विजयले अनन्या पाण्डेका साथ फिल्म लिगरबाट बलिउडमा डेब्यू गरे। रश्मिकाको आगामी प्रोजेक्टहरूमा सिद्धार्थ मल्होत्राको अपोजिट मिशन मजनु, रणवीर कपूरसँग एनिमल र विजयको अपोजिट वारिसु देखिदै छिन्। उनको हिट फिल्म पुष्पाः द राइजको सिक्वेल ‘पुष्पाः द रुल’ मा श्रीवल्लीको भूमिका पनि दोहोर्याउनेछिन्। फिल्ममा अल्लु अर्जुन र फहद फासिलको अभिनय रहेको छ । विजयको पछिल्लो रिलिज लिगरले बक्स अफिसमा राम्रो काम गर्न सकेन । उनी अहिले सामन्था रुथ प्रभुको सह-अभिनेत्री तेलुगु रोमान्टिक ड्रामा कुशीको छायांकन गरिरहेका छन्। फिल्मलाई शिव निर्वाणले निर्देशन गर्दैछन् ।