हिमेश पन्त चुनाव लड्दै

हाँस्य कलाकार हिमेश पन्तलाई यतिबेला राजनीति मोह चढेको छ।

स्ट्यान्ड अप कमेडी मार्फत राजनीति दलका नेताहरूमाथि तिखो ब्यङग्य प्रहार गरेर चर्चामा आएका हिमेशलाई अहिले आफैमा राजनीतिको मोह चढेको हो।

हिमेश स्टेजमा राजनीति कमेडी देखाउन हैन आफैँ राजनीतिको मैदानमा उत्रिने भएका छन्। हिमेश धादिङबाट प्रतिनिधि सभामा उम्मेदवार बन्ने भएका हुन्।

उनी राष्ट्रिय स्वतन्त्र पार्टीबाट आगामी मंसिर ४ गते हुने प्रत्यक्ष तर्फको निर्वाचनमा धादिङ क्षेत्र नम्बर १ बाट उम्मेदवार सिफारिस भएका हुन् । उनलाई रवि लामिछाने नेतृत्वको राष्ट्रिय स्वतन्त्र पार्टीले उम्मेदवार सिफारिस गरेको हो ।

पार्टीले सांसद टिकटका लागि उनको नाम समेत सिफारिस गरिसकेको छ। रियालिटी शो ‘कमेडी च्याम्पियन’ पहिलो सिजनका विजेता समेत रहेका पन्त धादिङकै स्थानीय हुन् ।