आक्रामक ओपनिङसँगै ‘प्रेमगीत ३’ रिलिज

आजबाट विश्व बजारमा नेपाली फिल्म ‘प्रेमगीत ३’ रिलिज भएको छ । सन्तोष सेन र स्वर्गीय छेतन गुरुङको निर्देशनमा तयार भएको यो फिल्मले बिहानैदेखि नेपाली बक्स अफिसमा आक्रामक व्यापार गरिरहेको छ । फिल्मको दिनभरका शोजहरु पनि भरिभराउ छन् । फिल्म ‘कबड्डी ४’ पछि अर्को कुनै नेपाली फिल्मले यो खालको ओपनिङ गरेको हो ।

फिल्मलाई मल्टिप्लेक्स हलहरुले बिहान साढे ६ बजेबाट बेलुकी साढे ९ बजेसम्मको शोज उपलब्ध गराएका छन् । आज र भोली यो फिल्मको बम्पर ओपनिङ हुने अपेक्षा गरिएको छ । प्रदीप खड्का, कृष्टिना गुरुङ, शिव श्रेष्ठ, सुनिल थापा, मनिष राउत, प्रेम पुरी लगायतका कलाकारले अभिनय गरेको यो फिल्मलाई राजेश श्रेष्ठले खिचेका हुन् ।

फिल्मले एउटा राज्यका २ भाईको कथा भन्छ । साथमा, फिल्मले प्रेम र गीतको प्रेम, उनीहरुको निकटता र राज्यका कारण हुने युद्धको कथालाई भनेको छ ।