नन्दितालाई अभिनयको भोक

नायिका नन्दिता केसी विगत २ महिनादेखि नेपालमा छिन् । नेपाली फिल्ममा असफल हुन थालेपछि अमेरिका हानिएकी उनी ग्रिन कार्ड लिएर उतै बस्न थालिन् । केही बर्ष अमेरिकामा नै रहेकी नन्दिता पछिल्लो समयमा भने नेपालमा पनि खुबै बस्छिन् । नेपालमा रहेर पनि उनले फिल्ममा काम त गरेकी छैनन् ।

तर, १९ बर्ष अगाडि बनेको गायक बाबु बोगटीको हिट गीत ‘सान्नानी तिमीलाई’ बोलको गीतको रिमेकमा उनको अतिथी भूमिका छ । अहिलेको समयमा नन्दिता चल्दिनन् । यसैले, बाबुले यो गीतको रिमेक भर्सनमा नायक पुष्प खड्का र मोडलद्धय प्रिज्मा र पिन्सी खतिवडालाई लिएर काम गरे ।

तर, नन्दिताको अभिनयको भोक भने मरेको छैन । उनी, बाबुको नयाँ गीत ‘सान्नानी’मा काम गर्ने तयारीमा छिन् । यो गीतको भिडियो २ सातामा सार्वजनिक हुने बाबुको भनाई छ ।

अभिनयमा केही बर्षपछि देखिएकी नन्दिता आफूलाई खुशी लागेको बताउँछिन् । आज नेपाली फिल्म र म्युजिक भिडियोको शैली बदलिएको छ । यसैले, नन्दितालाई फेरि यो क्षेत्रमा पुरानै क्रेज बनाउन त गाह्रो नै होला । तर, उनले आफ्नो अभिनयको भोक कतै अतिथी भूमिका त कतै भिडियोमा अभिनय गरेर पुरा गर्ने सोच बनाएको देखिन्छ ।