‘गुलाबी’बाट बाहिरियो सञ्चिताको गेटअप

नायिका सञ्चिता लुइटेल केही दिनदेखि फिल्म ‘गुलाबी’को छायांकन धम्पुसमा गरिरहेकी छिन् । यो फिल्ममा उनको साथमा नायक नाजिर हुसेन र कलाकार सुशिल सिटौला मुख्य भूमिकामा छन् । फिल्मलाई समुन्द्र भट्टले निर्देशन गरिरहेकी छिन् । यो फिल्मको छायांकन दशैं अगाडि नै सक्ने योजना निर्देशकको छ ।

यसैविच, यो फिल्मको सेटबाट नायिका लुइटेलको गेटअप बाहिरिएको छ । फिल्ममा उनी विवाहित महिलाको भूमिकामा छिन् । तर, फोटो हेरेरै उनको भूमिका कस्तो हो भन्न सकिदैन । निर्देशक भट्टकै कथा रहेको यो फिल्मले पारलैङ्गिताको कथा भन्नेछ । फिल्ममा राजकुमार श्रेष्ठ र नाजिर हुसेनको पटकथा तथा संवाद छ ।

दि स्काई ओसन इन्टरटेन्मेन्टको ब्यानर र अनुपम फिल्मस्को सहकार्यमा यो फिल्म निर्माण भैरहेको छ । यो फिल्मको छायांकन सकिएपछि सञ्चिताले फिल्म ‘धड्कन २’मा काम गर्नेछिन् ।