फागुण १९ मा ‘छक्का पन्जा ४’ रिलिज हुने

तिहारमा आउने चर्चा भैरहेको समयमा निर्माता दीपकराज गिरीले आफू अभिनित तथा निर्मित फिल्म ‘छक्का पन्जा ४’को प्रदर्शन मिति सार्वजनिक गरेका छन् ।

यो फिल्म अब फागूणपूर्णिमाको अवसर पारेर फागुणको १९ गते रिलिज हुने भएको छ । दीपकराजले सामाजिक संजालबाट प्रदर्शन मिति घोषणा गरेका हुन् । यो मितिमा ‘परस्त्री र बर एण्ड बधु, बुलाकी’ आउने पक्का भैसकेको छ । तर, अब यो मितिमा बहुप्रतिक्षित फिल्म ‘छक्का पन्जा ४’ आउने भएपछि अरु फिल्मका निर्माताले के गर्छन् हेर्न बाँकी छ ।

नेपाली फिल्मको इतिहासमा रेकर्ड नै रेकर्ड राखेको अघिल्ला ३ सिरिजका कारण पनि चौथो सिरिजलाई सहज छ । हेमराज वीसीको निर्देशनमा तयार भएको यो फिल्मको छायांकन अझै सकिएको छैन । तिहारमा काम नसकिने भएपछि यसको निर्माणपक्षले शिवरात्रीलाई प्रदर्शन मिति तय गरेको हो ।

फिल्ममा दीपकराज गिरी, केदार घिमिरे, दीपाश्री निरौला, बेनिशा हमाल, मलिना जोशी लगायतका कलाकारको मुख्य भूमिका छ ।