‘बाबरी’को नयाँ गीत ‘मायाका रंगहरु’ सार्वजनिक

सुरेन्द्र पौडेलको कथा, सम्पादन र निर्देशनमा तयार भएको फिल्म ‘बाबरी’को नयाँ गीत ‘मायाका रंगहरु’ सार्वजनिक गरिएको छ । यो गीतमा सनुप पौडेल र रचना रिमालको स्वर, कालीप्रसाद बाँस्कोटाको शब्द तथा संगीत छ । यो गीतको भिडियोमा फिल्मका मुख्य २ कलाकार अदिती वुढाथोकी र धिरज नाडकरको प्रेमभाव हेर्न सकिन्छ । फिल्ममा नायक धिरज मगरको मुख्य भूमिका छ ।

यो फिल्ममा पुष्पलता वुढाथोकी र गणेश वुढाथोकीको लगानी छ । फिल्ममा सिजन दाहाल, रित बोहरा, किशोर नेपाल र मनोज त्रिपाठीको लेखन, नरेन्द्र मैनालीको छायांकन, अन्जिला खत्री र विक्रम लामाको कोरियोग्राफी छ ।

फिल्मको २ वटा गीत सुपरहिट भैसकेका छन् । गीतसंगीतमा बलियो देखिएको फिल्मले दशैंमा सुखद व्यापार गर्ने अपेक्षा गरिएको छ । निर्देशकले फिल्मलाई कमेडी र लभ स्टोरी कथामा निर्देशन गरेका छन् ।