कार्तिक ४ मा ‘छक्का पन्जा ४’ आउने चर्चापछि तात्यो ‘के घर के डेरा’को टिम

तिहारको बिदालाई मध्यनजर गर्दै कार्तिक ४ गते फिल्म ‘के घर के डेरा’ रिलिज हुँदैछ । यो मितिमा अर्को फिल्म ‘नालापानी’ पनि रिलिज हुँदैछ । तर, यही मितिमा दीपकराज गिरीले बनाएको फिल्म ‘छक्का पन्जा ४’ पनि रिलिज गर्ने तयारी भैरहेको खबर बाहिरिएको छ । यो खबर बाहिरिएसँगै नेपाली फिल्म क्षेत्रमा यसले तरङ्ग नै ल्याएको छ ।

यदि, दीपकको हिट सिरिज यो मितिमा आएको खण्डमा अन्य फिल्मलाई असर गर्ने निश्चित छ । तर, अहिलेसम्म दीपक–दीपाले यो मिति फाइनल भने गरेका छैनन् । कार्तिक ४ मा ‘छक्का पन्जा’ आउने चर्चा भएसँगै यही मितिमा आउने निश्चित भएको फिल्म ‘के घर के डेरा’का मेकर भने जुुरमुराएका छन् ।

फिल्मको पोष्टर सार्वजनिक गरिएको छ । यस्तै, फिल्मको ट्रेलर पनि केही दिनमै सार्वजनिक गर्ने तयारी गरिएको छ ।

दीपेन्द्र के खनाल जस्ता सफल निर्देशकको यो फिल्ममा दयाहाङ राई, विपिन कार्की, वर्षा राउत, सुरक्षा पन्त लगायतका कलाकारको अभिनय छ ।