मैले भगवत गीताको स्क्रिप्ट नै पाएको छैनँः धिरज मगर

नायक धिरज मगरले आफूलाई फिल्म ‘भगवत् गीता’बाट अफर आएको स्विकार गरेका छन् । तर, यो फिल्मको अफर आएपनि आफूले स्क्रिप्ट भने नपाएको बताए । धिरजले मेरो फिल्मसँग भने–‘मैले फिल्मको कथावस्तु नै पाएको छैन । एउटा कलाकारले काम गर्न लागेपछि आफ्नो भूमिका हेर्न आवश्यक छ । तर, स्क्रिप्ट नै नपाएकाले कुरा अगाडि नबढेको हो ।’

धिरजले यो फिल्मका लागि ४० लाख पारिश्रमिक मागेको कुरालाई पुष्टी गरे । उनले, आफूले भन्दा पनि आफ्नो टिमले पारिश्रमिक मागेको उनको भनाई छ । तर, पारिश्रमिक दोश्रो कुरा भएको भन्दै पहिलो कुरा त स्क्रिप्ट नै भएको उनको भनाई छ । उनले अगाडि भने–‘अझै पनि कुरा अगाडि बढ्यो भने काम गर्नका लागि म तयार छु । तर, पहिले मैले स्क्रिप्ट पाउनुपर्यो नी ।’

यो फिल्मलाई झरना थापाले निर्देशन गर्दैछिन् । फिल्ममा सुहाना थापा मुख्य नायिकामा छिन् । फिल्मका लागि धिरजलाई अफर गरिएपनि महंगो पारिश्रमिक भनेपछि कुरा मोडिएको खबर सार्वजनिक भएको थियो ।