उत्कृष्ट कथामा बनेको ‘ऐना झ्यालको पुतली’ रिलिज

सुजित बिडारीको निर्देशनमा तयार भएको नेपाली फिल्म ‘ऐना झ्यालको पुतली’ आजबाट रिलिज भएको छ । मल्टिप्लेक्समा सिमित शोमा खुम्चिएको यो फिल्मलाई प्रिमियरमा तारिफ मिलेको थियो । यो फिल्मले बालापनको याद गराउँछ । दिदी र भाईबिचको लडाई, माया र आमाको मायाको कथामा यो फिल्म बनेको छ ।

सुजितले यो फिल्मलाई उत्कृष्ट तरिकाले बुनेका छन् । कथावस्तु, प्रस्तुति र कलाकारको अभिनयको हिसाबले पनि यो फिल्म उत्कृष्ट छ । यो फिल्मको शो बिहिबार बेलुका मात्र खुलेको थियो । हिन्दी फिल्मको शो नखुलेका कारण नेपाली फिल्मको समेत शो खुल्न सकेको थिएन ।

फिल्ममा कञ्चन घिमिरे र दिनेश खत्रीको अभिनय उत्कृष्ट छ । फिल्ममा सिरु बिष्टको पनि मुख्य भूमिका छ । कलाकारको अभिनयले पनि फिल्मलाई ज्यान भर्ने काम गरेको छ । यो फिल्मको बलियो वर्ड अफ माउथले काम गर्ने अपेक्षा गरिएको छ ।