सन्तोष पन्तको जवाफ–‘मेरो चलेन भनेपनि दीपकराजको फिल्म चलोस्’

हाँस्य कलाकार दीपकराज गिरीका गुरु हुन् सन्तोष पन्त । सन्तोष पन्तले अभिनय तथा निर्माण गरेको फिल्म ‘हिजो आजका कुरा’ असोजको २८ गते रिलिज हुँदैछ । यो फिल्म रिलिज भएको एक सातापछि उनका चेला दीपकराज गिरीको ‘छक्का पन्जा ४’ रिलिज गर्ने चर्चा छ । तर, अहिलेसम्म यसको मेकरले प्रदर्शन मिति भने तोकिसकेका छैनन् ।

असोजको ७ गतेबाट कार्तिकको ११ गतेसम्म हरेक हप्ता नयाँ फिल्म रिलिज हुँदैछ । यसले, कतै सन्तोष पन्तको फिल्म चेपुवामा पर्ने त होइन भन्ने आशंका पनि बढेको छ । तर, सन्तोष दर्शकले कथावस्तु मन पराउने विश्वास राख्छन् । यति भन्दै गर्दा उनले अगाडि भने–‘मेरो फिल्म नचलेपनि मेरो चेलाको फिल्म चलोस् ।’

सन्तोष पन्तले चेलाको फिल्मलाई शुभकामना दिए । तर, उनका चेला दीपकराजको फिल्म कार्तिक ४ मा रिलिज हुने या नहुने पक्का भैसकेको छैन ।

‘हिजो आजका कुरा’ पारिवारिक सिरियलमा एउटा ब्रान्ड नै हो । अब, सोही हिट सिरियलको नाम सापटी लिएर सन्तोषका छोरा साकार पन्तले निर्देशन गरेको फिल्मले कस्तो व्यापार गर्छ त्यो हेर्न बाँकी नै छ ।