के आफ्ना प्रिय निर्देशकको ‘स्वामी’ बन्न तयार होलान् राजेश हमाल ?

नायक राजेश हमाललाई फिल्मको अफर गैरहेको छ । राजेश हमाललाई फरक तरिकाले प्रस्तुत गर्ने भन्दै विभिन्न मेकरहरु अगाडि पनि बढेका छन् । तर, फिल्म साइन गर्ने कुरामा हमाल सचेत छन् । अब, हमालले फिल्म साइन गर्दा कथामा बढी ध्यान दिनुपर्छ ।

उनै, हमाललाई उनका प्रिय निर्देशक प्रदीप श्रेष्ठले नयाँ फिल्म ‘स्वामी’को अफर गरेका छन् । यो फिल्मको वान लाइन स्टोरी हमालले सुनेका हुन् । हमालले कथा मन पराएका छन् । यो फिल्मका लेखक मौनता श्रेष्ठले पनि हमालले काम गर्ने भए मात्र यसको पटकथा लेख्ने बताएका छन् । हमालले यसमा स्विकृति दिएको श्रेष्ठको भनाई छ ।

हमालले प्रदीप श्रेष्ठसँग ‘अजम्बरी नाता, सपना, भगवान् सबैको’ लगायतका फिल्ममा काम गरेका थिए । यी फिल्महरु हिट थिए ।

तर, प्रदीप श्रेष्ठको फर्मुलाका फिल्महरु चल्न छाडेपछि उनी ब्याक भएका थिए । तर, अब उनी स्वामीमार्फत दर्शकमाझ एक्सन र लभ स्टोरी कथा भन्ने तयारीमा छन् ।