फेरि प्रदर्शन हुने ‘द सिक्रेट अफ राधा’

अपेक्षित सो नपाएको भन्दै प्रदर्शन स्थगित गरेको फिल्म ‘राधा’ पुनः प्रदर्शन हुने भएको छ ।

सुवर्ण थापा निर्देशित ‘द सिक्रेट अफ राधा’ हलले शो नदिएको भन्दै बिचमा प्रदर्शन रोकिएको यो फिल्म फेरि प्रदर्शन हुने लागेको हो।

अहिले फिल्म पुनः प्रदर्शन बारे वितरक र प्रर्दशक(हलवाला)हरुसँग कुराकानी भईरहेको छ । कुन दिन प्रदर्शन गर्ने बारे छलफलमै छौं । समय अनुकुल मिलाएर फिल्म हेर्न नपाएका दर्शकको गुनासो र मागलाई सम्बोधन गर्दै फेरि राधालाई रिलिज गर्ने तयारीमा रहेको सुवर्ण थापा मेरो फिल्मलाई बताए।

‘फिल्मको कथा राम्रो भए पनि हेर्न नपाएको धेरै दर्शकको गुनासोपछि नै फेरि प्रदर्शन गर्न लागेका हौं । फिल्म देशभर एकैपटक प्रदर्शन गर्ने भन्दा पनि क्षेत्रीयस्तरमा प्रदर्शन गर्ने तयारीमा छौं। विशेष ठाउँहरुमा च्यारेटी शो र विशेष शो गर्ने योजना रहेको छ’,। ‘फिल्म राम्रो हुँदाहुँदै र समीक्षागत रुपमा पनि तारिफ पाईरहेका बेला फिल्मले शो कम पाएको, प्राइम टाइममा शो नपाउँदा हामीले प्रदर्शन रोक्ने निर्णय गरेका थियौँ अब हामी आफैँ आफ्नै अग्रसरतामा देशका विभिन्न ठाउँमा फिल्म देखाउने कि भन्ने तयारीमा छौँ,” निर्देशक थापाले भने ।

गत भदौ १० गते प्रदर्शन भएको फिल्मले हलमा राम्रो शो नदिएर अन्याय गरेको भन्दै केही दिन अघि पत्रकार सम्मेलन गर्दै प्रदर्शन रोक्ने निर्णय गरेको थियो। यो फिल्म बेइजिङ इन्टरनेसनल डान्स भिडियो फेस्टिभल र साउथ एसियन फिल्म फेस्टिभलमा छनोट भइसकेको छ।

फिल्ममा सौगात, मल्ल, सृष्टि श्रेष्ठ र खगेन्द्र लामिछाने मुख्य भूमिकामा छन् भने निश्चल बस्नेत, दयाहाङ राई, दिव्य देव आदि कलाकार अतिथि भूमिकामा छन् । फिल्ममा बुद्धि तामाङ, पशुपति राई, लोकेन्द्र लेखक आदि कलाकारको पनि अभिनय रहेको छ । यो फिल्मले हराएका पतिको खोजी गर्न एकल आमाले गरेको संघर्ष र महिलाको सहनशिलताको कथा भन्छ।