कला निर्देशक जुङ्गे भट्टराईको निधन

नेपाली फिल्म क्षेत्रमा कला निर्देशकको रुपमा चर्चा पाएका जुङ्गे भट्टराईको निधन भएको छ । उनको आज बिहान ६६ बर्षको उमेरमा निधन भएको हो । उद्धवराज भट्टराई नाम भएपनि उनी फिल्म क्षेत्रमा जुङ्गे भट्टराइको नामले परिचित थिए । उनको बैतडीबाट काठमाडौं आउने क्रममा आज बिहान चितवनमा बस भित्र नै निधन भएको वुझिएको छ ।

जुङ्गे भट्टराई लामो समयदेखि दम रोगबाट पनि ग्रसित थिए । उनको निधनको कारण भने खुलेको छैन । कुनै समय हरेक नेपाली फिल्ममा उनको कला निर्देशन रहन्थ्यो । तर, पछिल्लो समय प्रविधी परिवर्तन भएसँगै उनको हातमा कामको भने अभाव थियो ।

भट्टराइले काम गरेको फिल्म ‘प्रेमगीत ३’ रिलिजको क्रममा छ ।