फिल्म ‘के घर के डेरा’ को पहिलो झलक सार्वजनिक

कात्तिक ४ मा प्रदर्शन हुने दीपेन्द्र के खनालको निर्देशन रहेको फिल्म ‘के घर के डेरा’ तीन वटा पोस्टर सार्वजनिक भएका छन् ।

फिल्मको प्रदर्शन मिति नजिकिँदै गर्दा निर्माण टिमले ‘पहिलो झलक’ सार्वजनिक गरेको हो । सार्वजनिक पोस्टरमा दयाहाङ राई, विपिन कार्की, वर्षा राउत, सुरक्षा पन्त र रविन्द्र झा फिचर्ड छन् ।

एक पोस्टरमा विपिनलाई चुरोटको बट्टाबाट काजु झिकेर खाँदै गरेको देख्न सकिन्छ । दोस्रो पोस्टरमा टाई–कोट र कालो चस्मामा दगाएका दयाहाङ रेहेका छन् । तेस्रो पोस्टरमा विपिन, वर्षा, सुरक्षा, दयाहाङ र रविन्द्र देखिएका छन् ।

महेश दवाडीको पटकथा र संवाद रहेको फिल्ममा लक्ष्मी गिरी, अशान्त शर्मा, प्रभाकर न्यौपाने, सरोज अर्याल, भोलाराज सापकोटा, घनश्याम जोशी, कोसिस क्षेत्री बालकलाकार आयुशी ढकालको अभिनय छ ।

फिल्मको कथावस्तु भाडावालहरुको पीडा समेटिएको छ। ए प्लस इन्टरटेन्मेन्टको ब्यानरमा निर्मित फिल्मको निर्मातामा शरद श्रेष्ठ, राजीव श्रेष्ठ र किरण महर्जन छन् भने कार्यकारी निर्मातामा युवराज कार्की छन् । फिल्मको कथा सिंगो लामाको हो भने पटकथा/संवाद महेश दवाडीले लेखेका छन् । फिल्ममा दिर्घ गुरुङको छायांकन, शंकर थापा स्माइलको संगीत, सुव्रतराज आचार्य र डिपी खनालको शब्द, दिर्घ खड्काको सम्पादन रहेको छ ।