‘स्पाइडर म्यान’को रिलिज रोकिदा नेपाली फिल्मलाई फाइदा

शुक्रबारदेखि नेपालमा समेत रिलिज हुन लागेको हलिउड फिल्म ‘स्पाइडर म्यान: नो वे होम’ रिलिज रोकिएको छ । बुधबार दिउँसोसम्म यो फिल्म नेपालमा रिलिज हुने भन्दै सबै हलले आफ्नो वेवसाइटमा पोष्टर राखेका थिए । तर, अहिले यो हटाइएको छ ।

विशेषगरि, शो बाँडफाँडमा कुरा नमिलेपछि फिल्म नेपालमा रिलिज स्थगीत गरिएको वुझिएको छ । यो फिल्मलाई १० मिनेट दृश्य थप गरेर फेरि रिलिज गर्न लागिएको थियो ।

फिल्म रिलिज स्थगीत भएसँगै यसको फाइदा शुक्रबारदेखि रिलिज हुन लागेका २ नेपाली फिल्म ‘सम्हालिन्छ कहिले मन र झिंगे दाउ’लाई हुने देखिएको छ ।