फिल्मफेयर अवार्ड: रणवीर सर्वश्रेष्ठ अभिनेता र कृति सेनन सर्वश्रेष्ठ अभिनेत्री, ‘शेरशाह’ उत्कृष्ट फिल्म

Mero Film

भदौ १५, २०७९ बुधबार ०४:०६

फिल्मफेयर अवार्डको घोषणा गरिएको छ। यसमा उत्कृष्ट अभिनेता रणवीर सिंह फिल्म ८३ र उत्कृष्ट अभिनेत्री कृति सेनन फिल्म मिमीका लागि छनौट भएका छन् ।

यस वर्षको सर्वोत्कृष्ट फिल्मको अवार्ड सिद्धार्थ मल्होत्राको फिल्म शेरशाहले जितेको छ । त्यसैगरी उत्कृष्ट गीतकारको अवार्ड कौसर मुनीरलाई प्रदान गरिएको थियो । यो फिल्मफेयर अवार्ड महिलालाई दिइएको यो पहिलो पटक हो ।

फिल्म शेर शाहको कथा परमवीर चक्र विजेता क्याप्टेन विक्रम बत्राको जीवनमा आधारित छ । विक्रमले पाकिस्तानसँगको कारगिल युद्धमा महत्वपूर्ण भूमिका खेलेका थिए । शेरशाहमा सिद्धार्थ मल्होत्राले क्याप्टेन विक्रमको भूमिका निर्वाह गरेका छन् ।

यस फिल्ममा कियारा आडवाणी विक्रमकी प्रेमिका डिम्पलको भूमिकामा देखिएकी थिइन् । यो फिल्मलाई विष्णुवर्धन पुरीले निर्देशन गरेका थिए ।

फिल्म फेयर अवार्डमा विजेताका पूर्ण सूची:

उत्कृष्ट फिल्म
शेरशाह

उत्कृष्ट निर्देशक
विष्णु वर्धन- शेरशाह

उत्कृष्ट अभिनेता
रणवीर सिंह- ८३

उत्कृष्ट अभिनेत्री
कृति सेनन- मिमी

उत्कृष्ट फिल्म (क्रिटिक)
सरदार उधम- शुजित सरकार

उत्कृष्ट अभिनेता (क्रिटिक)
विक्की कौशल- सरदार उधम

उत्कृष्ट अभिनेत्री (क्रिटिक)
विद्या बालन- शेरनी

उत्कृष्ट सहायक अभिनेत्री
साई तम्हनकर- मिमी

उत्कृष्ट सहायक अभिनेता
पंकज त्रिपाठी- मिमी

उत्कृष्ट पार्श्व गायक
बी प्राक- मन भरया (शेरशाह)