‘प्रेमगीत ३’को हिन्दी भर्सनमा ‘कोई ना कोई नाता हे’ सार्वजनिक

हिन्दी भाषामा समेत रिलिज हुन लागेको नेपाली फिल्म ‘प्रेमगीत ३’मा समावेश ‘कोई ना कोई नाता’ बोलको गीतको भिडियो सार्वजनिक गरिएको छ । यो गीतमा जुविन नौटियालको स्वर, पवनदिप राजनको संगीत र रुवी फुलारा र सुभाष कालेको शब्द छ । गीतको अडियो बेजोड छ ।

भिडियोमा फिल्मका मुख्य कलाकार प्रदीप खड्का र नायिका कृष्टिना गुरुङलाई फिचरिङ गरिएको छ । स्वर्गीय छेतन गुरुङ र सन्तोष सेनको निर्देशनमा तयार भएको यो फिल्म नेपाल र भारतसहित विश्व बजारमा असोज ७ गतेबाट रिलिज हुँदैछ ।

फिल्मलाई नेपाली भाषामा सन्तोष सेनले निर्माण गरेका हुन् । हिन्दी भाषामा भने सुभाष काले, प्रशान्त कुमार गुप्ता, मुरली टिलवानी, सन्तोष सेन र सुष्मा शिरोमणीको लगानी छ ।

यो फिल्मको अहिले चर्चा उचाईमा छ । बक्स अफिसमा यो फिल्मले नयाँ उछाल ल्याउने अपेक्षा गरिएको छ ।