केकी र मुकुनको बिहेमा छमछमी नाँचे आँचल र कुशल

भदौको १७ गतेबाट रिलिज हुन लागेको फिल्म ‘झिंगे दाउ’मा समावेश ‘टलटलटल टलक्कै’ बोलको गीत सार्वजनिक गरिएको छ लोक लयको यो गीतमा सुरेश लामा र अन्जु पन्तको स्वर, अर्जुन पोखरेलको संगीत, एकनारायण भण्डारी र दिनेशराज पुरीको शब्द, रामजी लामिछानेको कोरियोग्राफी, मित्र डी गुरुङको सम्पादन, बिष्णु घिमिरे ‘कल्पित’को छायांकन छ ।

फिल्मको यो गीतको भिडियोमा नायिका आँचल शर्मा र कलाकार कुशल बिष्टले छमछमी नृत्य गरेका छन् । फिल्ममा नायिका केकी अधिकारी र कलाकार मुकुन भुषालको बिहेमा आँचल र कुशल नृत्य गरेको देखाइएको छ ।

सुलभ प्रतिक देउजा, समीक्षा देउजा निर्माता रहेको फिल्ममा सुशिल दाहाल, इश्वर घिमिरे सह–निर्माताको रुपमा छन् । प्रदीप भारद्धाजको कथा तथा संवाद रहेको फिल्मलाई सफल निर्देशक ज्ञानेन्द्र देउजाले निर्देशन गरेका हुन् ।

फिल्ममा बिहेपछि दाजु र भाईको सम्बन्धमा आउने फाटोलाई देखाइएको छ ।