नेपालमा ‘लाइगर’ बिहिबार बेलुकीबाट मात्र रिलिज हुने

हिन्दी फिल्म ‘लाइगर’ बिहिबारबाट रिलिज हुँदा शुक्रबारबाट रिलिज हुन लागेका २ नेपाली फिल्मको अवस्था के होला भन्ने चर्चा सुरु भैरहेको छ । हिन्दी फिल्मलाई बिहिबार नै रिलिज गर्दा त्यसको असर नेपाली फिल्मको बक्स अफिसमा पर्ने तर्क चलिरहेको छ ।

यस बिषयमा विकास बोर्डले पनि वितरकहरुसँग पहल गरिरहेको थियो । तर, अब नेपाली फिल्मका निर्माताहरुका लागि केही राहतको खबर छ । यो फिल्म बिहिबार बेलुकी ७ बजेबाट मात्र नेपालमा रिलिज हुनेछ । विकास बोर्डले वितरकहरुसँग यस बिषयमा कुराकानी गरेको वुझिएको छ । अर्कोतिर, यो फिल्म विश्वव्यापी रुपमा भने बिहिबार बेलुकी मात्र रिलिज हुँदैछ ।

सर्वाधिक चासोको रुपमा हेरिएको विजय देवरकोन्डा र अनन्या पाण्डे अभिनित यो फिल्म फाइटरको कथामा निर्मित छ । शुक्रबारबाट भने नेपाली फिल्म ‘राधा र प्रकाश’ रिलिज हुँदैछन् ।