दोश्रो टिजरमा पनि सशक्त ‘प्रेमगीत ३’, ७ गाउँको नायक बने प्रदीप

नायक प्रदीप खड्काको मुख्य भूमिका रहेको फिल्म ‘प्रेमगीत ३’को दोश्रो टिजर हिन्दी र नेपाली भाषामा सार्वजनिक भएको छ । नेपालीमा ओएसआर डिजिटल र हिन्दीमा जी म्यूजिक कम्पनीबाट सार्वजनिक गरिएको हो ।

सार्वजनिक टिजरमा नायक प्रदीप खड्कालाई एक्सन अवतारमा देखाइएको छ । उनलाई ७ गाउँको नायकको रुपमा फिल्ममा प्रस्तुत गरिएको छ । फिल्ममा नायिका कृष्टिना गुरुङ, कलाकार शिव श्रेष्ठ, सुनिल थापा, मनिष राउत लगायतलाई पनि देख्न सकिन्छ ।

यसपटकको टिजरमा निर्माताले दृश्य र मेकिङमा ध्यान बढी केन्द्रित गरेका छन् । यो फिल्मले बक्स अफिसमा बम्पर कारोबार गर्ने अपेक्षा गरिएको छ ।

फिल्म नेपाल, भारत र विश्व बजारमा असोजको ७ गतेबाट रिलिज हुँदैछ । भारतका ६–७ सय हलमा यो फिल्म रिलिज हुने निर्माता तथा निर्देशक सन्तोष सेनले बताएका छन् । राजेश श्रेष्ठको छायांकन रहेको फिल्ममा स्वर्गीय छेतन गुरुङको पनि निर्देशन छ ।