वैशाख १ गते सुहानाको ‘भगवत् गीता’ रिलिज हुने

नायिका सुहाना थापाको मुख्य भूमिका रहने फिल्म ‘भगवत् गीता’को प्रदर्शन मिति सहित टिजर सार्वजनिक गरिएको छ । सुहानालाई मात्र फिचरिङ गर्दै सार्वजनिक गरिएको टिजरमा उनको २ रुप देखिएको छ । झरना थापाको निर्देशनमा तयार भएको यो फिल्मलाई आउँदो बर्षको वैशाख १ गतेबाट रिलिज गर्ने घोषणा समेत निर्माणपक्षले गरेको छ ।

सुहाना थापा फिल्मस्बाट बनेको फिल्म ‘ए मेरो हजुर ४’ पनि यो बर्षको बैशाख १ गतेबाट नै रिलिज भएको थियो ।

यो फिल्मको शिर्षक घोषणा टिजरमा सुहानालाई मन्दिरमा दौडिएको देखाइएको छ । सुहाना र झरना दुबै कृष्णको ठूलो भक्त भएकाले पनि कृष्ण जन्माष्टमीमा यसको शिर्षक घोषणा टिजर सार्वजनिक गरिएको हो ।

लभ स्टोरी कथामा बन्ने फिल्मका लागि भगवत्को रुपमा नायक धिरज मगरलाई साइन गरिएको खबर सार्वजनिक भएको थियो । तर, टिजरमा सुहानालाई मात्र प्रस्तुत गरिएको छ ।