प्रचारमा कुनै कसर नछाडेका पुष्प र श्रद्धाको ‘कृष्णलीला’ले बक्स अफिसमा के गर्ला ?

आजबाट रिलिज भएको अर्को एक नेपाली फिल्म हो, ‘कृष्णलीला’ । गीतसंगीतमा सर्वाधिक हिट भएको यो फिल्मलाई दीपक वलीले निर्देशन गरेका हुन् । फिल्ममा नायक पुष्प खड्का र नायिका श्रद्धा क्षेत्रीको मुख्य भूमिका छ । साथमा फिल्ममा वुद्दि तामाङ, रविन्द्र झा लगायतका कलाकारको पनि अभिनय छ ।

अटिजम भएको एक यूवा र जीवनमा नयाँ लक्ष लिएर अगाडि बढेकी एक यूवतीको प्रेमकथामा यो फिल्म बनेको छ ।

फिल्म ‘कृष्णलीला’का लागि नायक पुष्प खड्का र नायिका श्रद्धा क्षेत्रीले कुनै कसर बाँकी राखेका थिएनन् । उनीहरुले, दिनरात नभनी देशभर फिल्मको प्रचार गरे । यसैले, उनीहरुको मिहिनेतले बक्स अफिसमा कस्तो नजिता दिने हो, त्यो पनि हेर्न बाँकी छ ।

फिल्मका २ गीत सुपरहिट छन् । ‘आयौं मनको मझेरीमा र सिरानी’ बोलको गीत सुपरहिट छ । यो गीतले पनि फिल्मको व्यापारमा मद्दत गर्ने अपेक्षा गर्न सकिन्छ ।