रेखाले श्रृष्टीलाई भनिन् ‘सुपरस्टार’

कुनै समयकी सुपरस्टार नायिका रेखा थापाले अर्की नायिका श्रृष्टी श्रेष्ठलाई सुपरस्टार भनेकी छिन् । फिल्म ‘माइकल अधिकारी’ हेर्न गोपिकृष्ण मुभिजमा पुगेकी रेखाले फिल्म हेरेपछि श्रृष्टीलाई यस्तो ट्याग दिएकी हुन् ।

रेखाले भनिन्–‘मलाई श्रृष्टी मिस नेपाल हुने वित्तिकै नै यो क्षेत्रमा आए हुन्थ्यो भन्ने लाग्थ्यो । मैले लकडाउनको समयमा श्रृष्टी र प्रियंका कार्कीको एउटा सर्ट मुभि पनि हेरेको थिएँ । त्यसपछि नै म श्रृष्टीको फ्यान भएकी हुँ । अहिले त झन् श्रृष्टीले ‘माइकल अधिकारी’मा गरेको कामले मेरो लागि त उनी ‘सुपरस्टार’ हुन् ।’

रेखाले यसो भनिरहँदा श्रृष्टी भने लजाइन् । उनले, आफू पहिलेदेखि नै रेखा थापाको फ्यान भएको भन्दै रेखाको प्रतिक्रियाले खुशी भएको तर्क गरिन् । रेखाले सौगात मल्लको कामको बिषयमा त आफूले केही पनि बोल्न नसक्ने बताइन् । सौगात मल्लबाट आफूले अझै धेरै कुरा सिक्नुपर्ने उनको तर्क थियो ।

रेखाले श्रृष्टीको भदौ १० गतेबाट रिलिज हुन लागेको फिल्म ‘राधा’ पनि हेर्न आफू प्रतिक्षारत रहेको तर्क गरेकी छिन् ।