३ घन्टा लामो ‘प्रेमगञ्ज’लाई पीजी सर्टिफिकेट

शुक्रबारदेखि रिलिजमा आउन लागेको नेपाली फिल्म ‘प्रेमगञ्ज’लाई पीजी सर्टिफिकेट मिलेको छ । अब, यो फिल्म हेर्नका लागि १८ बर्ष मुनिका बालबालिकाले आमाबुबालाई साथमा लिएर लैजानुपर्नेछ । परिच्छेद सेनको निर्देशनमा तयार भएको यो फिल्म भदौ ३ गतेबाट रिलिज हुँदैछ ।

यो फिल्ममा बेनिशा हमाल, तेज गिरी, सम्पदा बाँनिया, पवन भट्टराई लगायतका कलाकारको मुख्य भूमिका छ । फिल्म ‘प्रेमगञ्ज’ हेर्नका लागि दर्शकले हलमा ३ घन्टा समय बिताउनुपर्नेछ । किनकी, यो फिल्मको लम्बाई २ घन्टा ५८ मिनेट छ ।

संभवत, पछिल्लो केही बर्षयता रिलिज भएका फिल्ममा सबैभन्दा लामो नेपाली फिल्म यही नै होला । यो फिल्मले एउटै व्यक्तिको उमेर अनुसार प्रेममा आउने उतारचढावको कथालाई देखाएको छ । यसकारण पनि यो फिल्म लामो भएको निर्देशकको भनाई छ ।