ओली भेट्न बालकोट पुगिन् रेखा

नायिका तथा राप्रपाकी केन्द्रीय सदस्य रेखा थापा नेकपा एमालेका अध्यक्ष केपी शर्मा ओलीलाई भेट्न बालकोट पुगेकी छिन् । महामन्त्री कुन्ती शाहलाई लिएर रेखा बालकोट पुगेकी हुन् । ओलीसँग रेखाले देशको राजनीतिक अवस्था, आउँदो चुनावको बिषयमा कुरा गरेकी थिइन् ।

रेखाले ओली देशकै अभिभावक भएकाले पनि भेट गरेको बताएकी छिन् । उनले, छोरीहरुको अवस्थाको बिषयमा पनि कुरा गरेको प्रतिक्रिया दिएकी छिन् ।

यस्तै, आउँदो प्रतिनिधी सभाको निर्वाचन एमाले र राप्रपाविचको तालमेलको बिषयमा पनि रेखा र कुन्तीले ओलीसँग कुरा गरेका थिए ।

नायिका रेखा थापा आउँदो निर्वाचनमा उम्मेदवारी दिने तयारीमा छिन् । यसैले, पनि उनले राजनीतिक माहोल बनाउन दौडधुप गरिरहेकी छिन् ।