छायांकार बिदुर पाण्डेको निधन

बरिष्ठ छायांकार बिदुर पाण्डेको निधन भएको छ ।

पाण्डेको आज बिहान गगांलाल अस्पतालमा हृदयघातका कारण असामाहिक भएको हो । उनको निधनबारे चलचित्र प्राविधिक संघका अध्यक्ष पुस्कर लामाले जानकारी दिएका छन् ।

घरमा असहज भएपछि उनलाई गंगालाल अस्पतालमा लगिएको थियो । पाण्डेको अस्पतालमै ६ बजे निधन भएको लामाले बताए ।

अहिले पाण्डेको पार्थिव शरीर दाहसंस्कारको लागि पशुपति लगिएको र अन्तिम श्रद्धाञ्जली लागि राखिएको लामाले बताएका छन् ।

कागबेनी, स्वर र भुइँमान्छेमा छायांकारको रुपमा कार्य गरिसकेका पाण्डेले टेलिभिजनमा समेत काम गरेका छन् ।

पाण्डेले क्वीज मेनिया, फूलको थुंगा, हाम्रो टीम, हिमालय फेसन एड्भेन्चरजस्ता टिभी कार्यक्रम र सट फिल्म लागाएतमा उनले काम गरिसकेका छन् ।

साथै उनको निधन प्रति फिल्म, संगित क्षेत्रका थुपरै व्यक्तीहरुले श्रद्धाञ्जलि अर्पण गरेका छन् ।