रमाइला संवाद र प्रेमकथामा ‘२ नम्बरी’ टिजर

असोजको २१ गतेबाट रिलिज हुन लागेको नेपाली फिल्म ‘२ नम्बरी’को टिजर आज युट्युबबाट सार्वजनिक भएको छ । दयाहाङ राई र सौगात मल्लको मित्रता, उपासना सिंह ठकुरी र उगेन छोदेनसँग सौगात र दयाको प्रेममा यो फिल्मको टिजर तयार पारिएको छ । फिल्ममा सौगात मल्लको गेटअप, उनको र उपासनाविचको प्रेम सम्बन्ध र संवाद रोचक छ ।

यो फिल्ममा वुद्दि तामाङ, पुष्कर गुरुङ, श्रेयस पौडेल, शारदा गिरी, कविता आले, प्रकाश घिमिरे, सुष्मा निरौला, विश्वास गुरुङ, डीबी गुरुङ, जयनन्द लामा, राजु थापामगर, सागर शाह ठकुरी, सतिस सिंह कार्की, गणेश बस्याल र राजकुमार राईको अभिनय छ ।

सुशन प्रजापतिको छायांकन रहेको यो फिल्ममा निमेष श्रेष्ठको सम्पादन, जयन जे वाइवाको संगीत छ ।

फिल्मका लगानीकर्ता दीपक मनाङ्गे, अमलादेवी राई र जयश श्रेष्ठ हुन् । किरण नेपाली प्रस्तुतकर्ता रहेको फिल्ममा सरोज नेपाली कार्यकारी निर्माता र मिठु तामाङ्नी सह–निर्माताको रुपमा छिन् ।