असोज २१ मा सर्यो सौगात र दयाको ‘२ नम्बरी’

फिल्म ‘२ नम्बरी’को प्रदर्शन मिति हेरफेर गरिएको छ । यो फिल्म अब कार्तिक ४ गतेबाट २ साता वर सरेको छ । किरण नेपालीको प्रस्तुतीमा तयार भएको फिल्मलाई दशैंको छेको पारेर अब असोज २१ गतेबाट रिलिज गरिनेछ । यसअघि तिहारमा यो फिल्म रिलिज गर्ने तयारी गरिएको थियो ।

प्रस्तुतकर्ता किरण नेपालीले सबै माहोल हेरेर नै आफूहरुले फिल्मलाई २ साता वर सारेको बताए । फिल्ममा दयाहाङ राई, सौगात मल्ल, उपासना सिंह ठकुरी र उगेन छोदेन मुख्य भूमिकामा छन् ।

यो फिल्मलाई दीपेन्द्र लामाले निर्देशन गरेका हुन् । सरोज नेपाली कार्यकारी निर्माता रहेको फिल्ममा मिठु तामाङ्नी सह–निर्माताको रुपमा छिन् । फिल्ममा दीपक मनाङ्गे, अमलादेवी राई र जयश श्रेष्ठ निर्माताको रुपमा छन् । फिल्मले २ जना साथीको मित्रताको कथा भन्नेछ ।