नेपाल फर्किइन् वर्षा, भन्छिन्–‘अब फिल्ममा काम गर्छु’

नायिका वर्षा सिवाकोटी नेपाल फर्किएकी छिन् । अमेरिकामा रहेका आफ्ना प्रेमी आशिष गेलालसँग बिहे गरेपछि वर्षा पनि अमेरिकामा नै हानिएकी थिइन् । सुटुक्क बिबाह गरेकी वर्षा त्यसपछि केही दिन ‘लक्का जवान’ नामक फिल्मको प्रचारमा देखिइन् । यसपछि, अमेरिका हानिएकी वर्षा केही महिना बसेर नेपाल आएकी हुन् ।

नेपाल फर्किएकी वर्षाले योजना सुनाउँदै भनिन्–‘फेरि पनि फिल्ममा नै काम गर्छु । अमेरिकामा बस्दा पनि नेपाली फिल्मलाई धेरै मिस गरेँ । यसैले, काम गर्ने सोचका साथ नै फर्किएकी हुँ ।’ वर्षाका श्रीमान् आशिष भने अमेरिकामा नै छन् । वर्षा अभिनित फिल्म ‘परदेशी २’ असोजको १४ गतेबाट रिलिज हुँदैछ । वर्षाले यो फिल्मको प्रचारमा पनि दौडधुप गर्ने बताएकी छिन् ।

यस्तै, उनी अभिनित ‘ए साथी सुन, मनसँग मन’ पनि रिलिजको प्रतिक्षामा छ ।