साहरुखको ‘जवान’मा विजय सेतुपतिको इन्ट्री

बलिउड नायक साहरुख खान विगत केही दिनदेखि आफ्नो नयाँ फिल्म ‘डंकी’को छायांकन यूरोपमा गरिरहेका छन् । तर, उनको आउँदो बर्ष ३ वटा फिल्म रिलिजको क्रममा छन् । जसमध्ये फिल्म ‘पठान’को छायांकन भने सकिएको छ ।

उनै, साहरुखको मुख्य भूमिका रहेको फिल्म ‘जवान’को छायांकन पनि भैरहेको छ । यो फिल्मलाई साउथका चर्चित निर्देशक एट्लीले निर्देशन गर्दैछन् ।

फिल्ममा साउथकी सुपरस्टार नयनताराको पनि मुख्य भूमिका छ । अब, यो फिल्ममा साउथका अर्का सफल कलाकार विजय सेतुपतिको पनि इन्ट्री भएको छ । भारतीय मिडियाका अनुसार, एक्सन जनराको यो फिल्ममा विजयले खलपात्रको भूमिका निर्वाहा गर्नेछन् ।

विजय र साहरुखविचको भिडन्त फिल्ममा हेर्न दर्शकका लागि पक्कै पनि रोचक हुनेछ ।