हरेक हलमा ‘चपली हाइट ३’लाई १ शो

भोली शुक्रबारबाट पुनः रिलिजमा आउन लागेको अर्जुन कुमार निर्मित फिल्म ‘चपली हाइट ३’लाई हलमा १ शो मिलेको छ । यो फिल्मलाई काठमाडौंका अधिकांश मल्टिप्लेक्सले एक शो दिएका छन् । यस्तै, क्यूएफएक्सले आफ्ना सबै चेनमा १–१ शो दिएको छ ।

अर्जुनले तेश्रो पटक यो फिल्म किन रिलिज गर्न लागेका हुन्, त्यो उनलाई नै थाहा हुने कुरा भयो । तर, अर्जुनले बारम्बार कोरोना कारण फिल्मलाई दर्शकले हेर्न नपाएको भन्दै फिल्म तेश्रो पटक रिलिज गर्न लागेको बताउँदै आएका छन् ।
यो फिल्मलाई निकेश खड्काले निर्देशन गरेका हुन् । फिल्ममा स्वस्तिमा खड्का, सुपुष्पा भट्ट र महेश त्रिपाठीको मुख्य भूमिका छ ।

फिल्मले यसअघि दुबै समयमा कमजोर व्यापार गरेको थियो भने समीक्षा औषत पाएको थियो ।