अर्जुन कुमारलाई प्रश्न–‘तेश्रो पटक रिलिज गर्दा नेपाली फिल्मसँगै किन’ ?

चलचित्र विकास बोर्डका सदस्य तथा निर्माता अर्जुन कुमार हक्की स्वभावका छन् । उनी, फिल्म रिलिजको समयमा अनेक जुक्ती र विवाद झिक्न माहिर छन् । फिल्म ‘चपली हाइट ३’ रिलिजको समयमा उनले नायिका स्वस्तिमा खड्कासँग विवाद झिके ।

उनै, अर्जुन चलिसकेको आफ्नो फिल्म ‘चपली हाइट ३’लाई तेश्रो पटक रिलिज गर्ने क्रममा छन् । यो फिल्मलाई उनी साउन २० गतेबाट रिलिज गर्ने तयारीमा छन् ।

तर, तेश्रो पटक रिलिज हुन लागेको यो फिल्म उनले नेपाली फिल्म ‘म’सँगै रिलिज गर्न लागेका छन् । साउनको २७ गते २ वटा हिन्दी फिल्म रिलिज हुँदैछन् । अर्जुन तेश्रो पटक फिल्म रिलिज गर्दा पनि नेपाली फिल्मसँगै जुधाउन तयार भएका छन् । हुनत, नेपाली फिल्मका मेकर आफ्नै फिल्मसँग जुध्ने र परकोसँग भाग्ने गर्छन् । अर्जुन पनि त्यही नियती देखाइरहेका छन् ।

अर्जुनले तेश्रो पटक फिल्म रिलिज किन गर्न लागे त्यो उनले नै जान्ने कुरा भयो । तर, अर्जुनले आफ्नै देशको फिल्मसँग जुधाए, तर विदेशी फिल्मसँग फिल्म लगाउने हिम्मत भने गरेनन् ।