हर्षवर्धनलाई भेट्दा नेपाली फ्यानको रुवाबासी

बलिउडमा नायक हर्षवर्धन राणेको क्रेज खासै सुनिदैन । तर, उनको क्रेज नेपालमा कती छ भन्ने जान्नका लागि सोमबार आयोजित फ्यान भेटघाट कार्यक्रमको भिडियो हेरे पुग्छ ।

उनी आफ्ना एक साथीको रिसेप्सनमा सहभागी हुन नेपाल आएका थिए । आइतबार उनले बसन्तपुर क्षेत्रको अवलोकन समेत गरेका थिए । सोमबार भने आफू लाजिम्पाटको तिर्सला रेष्टुरेन्टमा जान लागेको उनले फ्यानलाई जानकारी गराए । उनलाई भेट्न दर्जनौ यूवायूवती तिर्सला पुगे । हर्षले आफूले ५० मिनेट भन्दा बढी समय दिन नसकेको भन्दै माफी मागेका छन् । हर्षलाई भेट्दा यूवतीहरुमा रुवाबासी नै देखियो ।

हर्षलाई आई लभ यू भन्दै यूवतीहरुले फोटो खिचे र अटोग्राफ लिए । उनको अंगालोमा बाँधिदा यूवतीहरु रोएका थिए । हर्षले पनि नेपाली फ्यानहरुबाट पाएको मायाले आफू उत्साहित भएको बताए ।

सन् २०१६ मा रिलिज भएको चलचित्र ‘सनम तेरी कसम’बाट उनको चर्चा चुलिएको थियो ।