राजेश र दीलिपको भेट किन भएको हो ?

हुनत, फिल्म क्षेत्रमा काम गर्ने कलाकर्मीविच एक आपसको भेट हुनु नौलो कुरा भएन । तर, कलाकारविचको भेटलाई मिडियामा भने अर्थपूर्ण रुपमा हेर्ने गरिएको छ । २ दिन अगाडि मात्र नायक राजेश हमाल र दीलिप रायमाझीविच भेटघाट भयो ।

कुनै समय ‘महानायक’ भूवन केसी हुन् भनेर तर्क गरेका दीलिपले राजेशलाई भेटेपछि चर्चा त हुने नै भयो । फिल्म ‘आदिकवि भानुभक्त’बाट नेपाली फिल्म क्षेत्रमा दीलिप प्रवेश गर्दा राजेश सुपरस्टार भैसकेका थिए । तर, दीलिपको प्रवेशपछि राजेशको स्थान हल्लिएको चर्चा पनि चलेको थियो । यसकारण, पनि कुनै समय यी दुई नायक प्रतिस्पर्धी पनि थिए ।

तर, दीलिप र राजेशको भेट एक कार्यक्रमका लागि निमन्त्रणा दिन जाँदा भएको हो । इन्ट्रा नेपालले ‘मेरो भ्वाइस कप यूएसए र मेरो डान्स कप यूएसए’को आयोजना गरिरहेको छ । दीलिप इन्ट्राको नेपाल अध्यक्ष हुन् । यसैले, राजेशलाई ‘मेरो डान्स कप यूएसए’मा अतिथीका लागि निम्तो दिन जाने क्रममा दीलिप र राजेशको भेट भएको हो ।