केकी र प्रकाशको भिडियो, विज्ञापन, फिल्मपछि अब निर्माणमा सहकार्य

नायिका केकी अधिकारी गायक तथा नव–नायक प्रकाश सपुतको बारेमा खुलेरै प्रशंसा गर्छिन् । प्रकाशसँग थुप्रै म्युजिक भिडियोमा सहकार्य गरेकी केकीले उनीसँग फिल्म ‘परदेशी २’मा पनि काम गरेकी छिन् । यी दुईले विज्ञापनमा समेत काम गरिसकेकी छिन् । केकी र प्रकाशको सहकार्यको श्रृङ्खला यतिकै रोकिने देखिएको छैन ।

वुझिएअनुसार, केकी र प्रकाश मिलेर अब फिल्मको समेत निर्माण गर्ने तयारीमा छन् । यो बिषयमा दुबैले खुलेरै बताएका त छैनन् । तर, केकीले भने यो कुराको पुष्टी गरिन् । उनले, आफू र प्रकाश सपुतले मिलेर फिल्म बनाउने बताइन् ।

प्रकाशले आफ्नो हातमा फिल्मको थुप्रै अफर रहेको र २–३ वटा स्क्रिप्ट त आफ्नो गाडीमा नै रहेको बताए । उनले, फिल्म ‘परदेशी २’ रिलिजपछि मात्र अगाडि कसरी बढ्ने भन्ने बारेमा तय गर्ने बताएका छन् ।