परमितासँगको भेटमा नवाजुद्दिनले धन्यवाद भने

नायिका परमिता आर एल राणा मोडलिङको सिलसिलामा बेलाबखत मुम्बई पुग्ने गर्छिन् । एजेन्सीले बोलाएपछि उनी यतिबेला मुम्बईमा छिन् । मुम्बईमा रहेको समयमा उनी र बलिउडका चर्चित कलाकार नवाजुद्दिन सिद्धिकीविच भेटघाट भएको छ ।

भेटघाटका क्रममा सिद्धिकीलाई परिमिताले नेपालमा उनको अभिनय मन पराइएको बारेमा जानकारी दिएकी थिइन् । जसको जवाफ दिदै लजालु कलाकारले ‘धन्यवाद’ भनेका थिए । सामाजिक संजालमा यी दुई कलाकारको भेटले चर्चा पाइरहेको छ ।

नेपाली कलाकारहरु बलिउडमा प्रवेश गर्न र मुम्बईमा रहेर मोडलिङ गर्न लालयित छन् । तर, निक्कै कमले मात्र यसमा सफलता पाएका छन् । यसअघि परमिताले एक साउथ फिल्ममा काम गर्न लागेको खबर सार्वजनिक भएको थियो ।