यस्तो छ पुष्पा २ मा अल्लु अर्जुनको लुक्स ? चुरोट संग अभिनेता देखाउने तस्वीर डबल फायर

गत वर्ष आफ्नो ठूलो ब्लकबस्टर फिल्म पुष्पा मार्फत हेडलाइन्स बनाएका दक्षिण भारतीय सुपरस्टार अल्लु अर्जुनले अब पुष्प २ को बारेमा चर्चा चर्काएका छन्। अल्लु अर्जुन स्टारर ‘पुष्पा’ ले बक्स अफिसमा कमाइको रेकर्ड बनाएको थियो। अब यस पटक भने डबल फायर हुने बताएका छन्।

पाँच भाषामा रिलिज भएको फिल्मले हिन्दी बेल्टमा मात्र १ सय करोडभन्दा बढी कमाएर बक्स अफिसमा इतिहास रच्यो। ‘पुष्पा’ को क्रेज र लोकप्रियतासँगै अल्लु अर्जुनलाई भारतकै सुपरस्टार बनायो।

पुष्पा अहिलो भागले अल्लु अर्जुन कसरी तस्करको राजा बन्छ भनेर देखाएको छ । अब राज्य कायम राख्ने यो चुनौती पुष्पा भाग २ मा देखाइनेछ अर्थात् चुनौती ठूलो भए पनि पुष्पा झुक्ने छैनन् ।

यसको दोस्रो भाग यसै वर्षभित्र रिलिज गर्ने गरी निर्माण पक्षले तयारी गरेको छ। बलिउड प्रशंसकलाई ध्यानमा राखेर यसको स्कृप्ट परिवर्तन गरिएको निर्माण पक्षले बताइसकेको छ।

यसैबीच अल्लु अर्जुन सामाजिक सञ्जालमा निकै सक्रिय छन्। उनले सामाजिक सञ्जालमा सेयर गरेर आफ्नो ग्रे लुक देखाएका छन्। तस्बिरमा फिल्म स्टार निकै ड्यासिङ देखिएका छन्। यस्तो देखिन्छ कि उनको आगामी फिल्म पुष्प २ मा उनको क्यारेक्टरको लुक हो। उक्त तस्बिरमा अल्लु अर्जुन हातमा चुरोट, कालो चश्मा, स्टाइलिश कपाल र छालाको ज्याकेटमा अल्लु अर्जुन देखिएका छन्। फ्यानहरूले फिल्मलाई उत्सुकतापूर्वक पर्खिरहेका बेला तस्बिर र पोस्ट सेयर गर्दै अल्लु अर्जुनले यस पटक डबल फायर हुने बताएका छन्।

कालो चस्मा र कुण्डल लगाएका उनको लुक्सले पुष्पाको चरित्रको सम्झना दिलाउँछ। अल्लु अर्जुनले यो तस्विर सेयर गरेदेखि नै यसमा कमेन्टको बाढी आएको छ । यो तस्बिर सार्वजनिक भएसँगै एक विज्ञापन सुटिङका ​​क्रममा खिचिएको बताइएको छ भने फ्यानहरुले यसलाई पुष्प २ को पहिलो झलक भएको दाबी गरिरहेका छन् । यद्यपि ‘पुष्पा २’ अहिले प्रि–प्रोडक्सन चरणमा छ। यो फिल्म अहिलेसम्म फ्लोरमा पुगेको छैन। आगामी अगस्ट वा सेप्टेम्बरमा मात्रै फिल्म फ्लोरमा जाने निर्माण पक्षले बताएको छ।

केही समयअघि सञ्चारमाध्यममा पुष्प २ को कथा सार्वजनिक भएको खबर आएको थियो जसअनुसार दोस्रो भागमा श्रीवल्लीको निधन हुने बताइएको छ। त्यसयता सामाजिक सञ्जालमा यसबारे निकै चर्चा चलिरहेको छ। फिल्मका खलनायक फहाद फासिलले श्रीवल्लीलाई मार्नेछन्। तर यसको औपचारिक पुष्टि अहिलेसम्म नभएको बलिउड लाइफले जनाएको छ।