रणवीर र श्रद्धाको फिल्मको सेटमा आगलागी, एक जनाको निधन

बलिउड अभिोता रणवीर कपूर र अभिनेत्री श्रद्धा कपूरको फिल्मको सेटमा आगो लागी भएको छ। शुक्रबार सेटमा आगो लाग्दा एक जनाको निधन भएको छ।

यी दुई कलाकारको अन्धेरी वेस्टस्थित चित्रकूट स्टुडियोमा गीतको छायाकंन हुनेवाला थियो। तर सेटमा आगो लागे पछि अहिले शुटिङ पोस्टपोन गरिएको छ।

घटनामा घाइते भएका ३२ वर्षीय मनिष देवासी नामका व्यक्तिको कूपर अस्पतालमा निधन भएको छ । यस्तै सो सेटमा लाइटिङको काम हेर्ने अर्का एक जना गम्भीर घाइते भएका छन्।

आठ दमकल, पाँचवटा वाटर जेटी र अन्य उपकरणको सहयोगमा पाँच घण्टापछि नियन्त्रणमा आएको थियो । आगलागीको कारण हालसम्म पत्ता लागेको छैन। तर यसमा सेट लगाउने कन्ट्र्याक्टरको गल्ती भएको बताइएको छ।

यस फिल्मको नाम तय भएको छैन। सनी देओलका कान्छो छोरा राजवीर, जो राजश्री प्रोडक्सनको फिल्मबाट बलिउडमा डेब्यू गर्ने तयारी गरिरहेका थिए, फिल्मको सेटमा आगलागी हुँदा फिल्मको छायाँकन पोस्टपोन भएको छ । यस फिल्मको निर्देशन लव रञ्जनले गर्दैछन्।