पुनः ‘चपली हाइट ३’ रिलिज गर्दै अर्जुन कुमार

निर्माता अर्जुन कुमारले उनी निर्मित फिल्म ‘चपली हाइट ३’लाई तेश्रो पटक रिलिज गर्ने तयारी गरेका छन् । पहिलो पटक यो फिल्म पौषको ३० गते रिलिज भएको थियो । तर, फिल्म रिलिज भएको ३ दिनमै कोरोनाका कारण लकडाउन भयो र फिल्म रिलिज रोकियो ।

दोश्रो पटक यो फिल्मलाई फागुण १ गतेबाट रिलिज गरियो । कोरोनाका कारण एक महिना हल बन्द भएर खुलेपछि अर्जुनले फिल्म रिलिज गरेका थिए । तर, यसपटक पनि हलमा दर्शक आएनन् ।

उनै, अर्जुनले आफ्नो फिल्म तेश्रो पटक रिलिजको लागि तयार गरेका छन् । यो फिल्म आउँदो शुक्रबार अर्थात साउनको २० गतेबाट रिलिज हुने भएको छ ।

निर्माता अर्जुन कुमारले भने–‘मैले कसैलाई असर पुर्याउन फिल्म रिलिज गर्न लागेको होइन । सबैसँग सल्लाहा गरेपछि छुटेका दर्शकले फिल्म हेरुन् भनेर रिलिज गर्न लागेको हुँ । पैसा कमाउने पनि मेरो कुनै उद्देश्य छैन ।’

निकेश खड्का निर्देशित यो फिल्ममा स्वस्तिमा खड्का, सुपुष्पा भट्ट, महेश त्रिपाठी लगायतका कलाकारको अभिनय छ ।