‘आगो विना बिँडी जल्दैन’ हिट भएसँगै ‘झिँगेदाउ’को दोस्रो गीत ‘ईश्वरसँग पनि’

ज्ञानेन्द्र देउजा निर्देशित फिल्म ‘झिँगेदाउ’ को दोस्रो लिरिकल गीत ‘ईश्वरसँग पनि’ सार्वजनिक गरिएको छ ।

बुधवार दिउँसो निर्माण टीमले फिल्मको दोस्रो गीत स्वरूप ‘ईश्वरसँग पनि’ सार्वजनिक गरेको हो । सार्वजनिक गीत भिडियोमा फिल्म भित्रका चल अचल दृश्य समावेश गरिएको छ । अर्जुन पोखरेलको संगीत तथा प्रमोद ढुंगानाको शब्द रचना रहेको गीतमा कमल खत्री र अस्मिता अधिकारीको स्वर छ ।

रामजी लामिछानेको कोरियोग्राफी रहेको गीतको लिरिकल भिडियोमा अभिनेत्री केकी अधिककारी, आँचल शर्मा, अभिनेता मुकुन भुषाल, कुशल बिष्ट र हिँउवाला गौतमलाई देख्न सकिन्छ । फिल्ममा पहिलो पटकक अभिनेत्री केकी र आँचल जेठानी देउरानीको भुमिकामा देखिएका छन् । फिल्मको यसअघि सार्वजनिक गीत ‘आगो बिना बिँडी जल्दैन’ले दर्शकबाट उत्कृष्ट प्रतिक्रिया पाएको निर्माण टिमले यो गीतबाट पनि दर्शकको मन जित्ने अपेक्षा राखेको छ ।

कपनगडी सिनेमा र फिल्म क्रियु नेपालको ब्यानरमा निर्माण भएको फिल्ममा संगम भण्डारी, विजय देउजा, आर्यन खड्का, अभयराज बराल, आशा भुषाल लगायतका कलाकारको पनि अभिनय रहेको छ । भिमनिधि तिवारीद्वारा लिखित ‘झिँगेदाउ’कथामा आधारित फिल्मको पटकथा तथा संवाद प्रदीप भारद्वाजले लेखेका हुन् । बिष्णु कल्पितको छायांकन रहेको फिल्मको सम्पादकको जिम्मेवारी मित्र डि गुरुङले सम्हालेका छन् ।

सुलभ प्रतिक देउजा र समीक्षा देउजा निर्माता रहेको फिल्म्को सह(निर्मातामा सुशिल दाहाल र ईश्वर घिमिरे छन् । निर्देशक देउजाले फिल्मलाई स्तरीय बनाउन आफूले सकेको प्रयास गरेको बताए । फिल्म आगामी भदौ १७ गतेबाट प्रदर्शनमा आउने भएको छ ।