‘परदेशी’का हिरो प्रशान्तलाई पुत्रीलाभ

नेपाली फिल्म ‘परदेशी र परदेशी २’मा अभिनय गरेका कलाकार तथा गायक प्रशान्त तामाङलाई पुत्री लाभ भएको छ । उनले सामाजिक संजालबाट यो खुशी साटेका छन् । उनले सबै शुभचिन्तकहरुलाई अटुट साथ र मायाका लागि धन्यवाद समेत दिएका छन् ।

प्रशान्त र उनकी पत्नी मार्था एलीले छोरीको नाम आरिया राखेका छन् । प्रशान्तले आफ्नी सानी राजकुमारीलाई यो सुन्दर संसारमा स्वागत छ भन्दै स्टाटस कोरेका हुन् ।

मार्था र प्रशान्तको बिहे ३ बर्ष अगाडि भएको थियो । विशेषगरि, ‘इन्डियन आइडल ३’को विजेता बनेपछि प्रशान्तको चर्चा चुलिएको थियो । उनले, ‘परदेशी, गोर्खापल्टन, परदेशी २’ लगायतका नेपाली फिल्ममा अभिनय गरेका छन् ।